ന്യൂജഴ്സി: അമേരിക്കൻ മലയാളി സമൂഹത്തിന്റെ നിറസാന്നിധ്യം ഫൊക്കാന ട്രഷറുമായ ജോയി ചാക്കപ്പൻ ഫൊക്കാന ട്രസ്റ്റി ബോർഡിലേക്ക് മത്സരിക്കുന്നു.
ഫൊക്കാനയുടെ ഇപ്പോഴത്തെ ട്രഷററായി പ്രവർത്തിക്കുന്ന ജോയി ചക്കപ്പൻ ജോയിന്റ് സെക്രട്ടറിയായും കൺവൻഷൻ ചെയർമാനായും പ്രവർത്തിച്ച വ്യക്തിയാണ്.
നാഷണൽ കമ്മിറ്റി അംഗമായും പ്രവർത്തിച്ച ചാക്കപ്പൻ 2018ല് ഫിലാഡല്ഫിയയില് നടന്ന ഫൊക്കാനയുടെ 18-ാമത് അന്താരാഷ്ട്ര കണ്വന്ഷന്റെ ബാങ്ക്വറ്റ് ആന്ഡ് കള്ച്ചറല് പ്രോഗ്രാം കമ്മിറ്റി കോര്ഡിനേറ്ററുമായിരുന്നു.
തൃശൂര് കൊരട്ടി സ്വദേശിയായ വളപ്പില് പരേതരായ ചാക്കപ്പന് മറിയം ദമ്പതികളുടെ മകനായ ജോയി 1983ല് ന്യൂജഴ്സിയില് കുടിയേറി. പിന്നീട് അമേരിക്കയില് കമ്പ്യൂട്ടര് സയന്സില് ഉപരിപഠനം പൂര്ത്തിയാക്കിയ അദ്ദേഹം ഫൈസര്വ് കമ്പനിയില് ഐടി വിഭാഗത്തില് ഇന്ഫര്മേഷന് അനലിസ്റ്റായി പ്രവര്ത്തിക്കുന്നു.
ജോയി ചാക്കപ്പന് ന്യൂജഴ്സിയിലെ പ്രമുഖ സാമൂഹ്യസംഘടനയായ കേരള കള്ച്ചറല് ഫോറത്തിലൂടെയാണ് (കെസിഎഫ്) സാമൂഹ്യരംഗത്ത് കടന്നുവന്നത്. 25 വര്ഷം മുമ്പ് കെസിഎഫില് എത്തിയ ചാക്കപ്പന് പ്രസിഡന്റായി രണ്ടു തവണയും(നാല് വര്ഷം) സെക്രട്ടറിയായി ഒരു തവണയും സേവനമനുഷ്ഠിച്ചിട്ടുണ്ട്.
കെസിഎഫിന്റെ ട്രസ്റ്റി ബോര്ഡ് മെമ്പറായും ഡയറക്ടർ ബോർഡ് മെമ്പറായും പ്രവർത്തിച്ചിട്ടുണ്ട്. ബര്ഗന്ഫീല്ഡിലെ കലാസാംസ്കാരിക സംഘടനയായ നാട്ടുകൂട്ടത്തിന്റെ സ്ഥാപകരിലൊരാളായ ചാക്കപ്പൻ ബോര്ഡ് അംഗമാണ്.
ന്യൂജഴ്സി സെന്റ് ജോര്ജ് സീറോമലബാര് പള്ളിയുടെ ആരംഭം മുതൽ ട്രസ്റ്റിയായും സെക്രട്ടറിയായും പ്രവര്ത്തിച്ച ചാക്കപ്പന് നാലു തവണ ട്രസ്റ്റിയായും(എട്ട് വര്ഷം) ഒരു തവണ സെക്രട്ടറി, കമ്മറ്റി അംഗം എന്നീ പദവികളും വഹിച്ചിരുന്നു.
ഇപ്പോള് എസ്എംസിസിയുടെ പാരിഷ് പ്രസിഡന്റാണ്. 2003ല് ന്യൂജഴ്സില് ഏറെ വിജയകരമായി നടന്ന സീറോമലബാര് നാഷ്ണല് കണ്വന്ഷന്റെ ജനറല് സെക്രട്ടറിയായിരുന്ന ചാക്കപ്പന് കണ്വന്ഷന് മികച്ച രീതിയില് നടത്തി ഏവരുടെയും പ്രശംസ നേടിയ വ്യക്തിയാണ്.
നിരവധി പുരസ്കാരങ്ങളും അവാർഡുകളും നേടിയിട്ടുള്ള ജോയി ചാക്കപ്പൻ 2023ൽ ബെർഗൻ കൗണ്ടി കമ്മ്യൂണിറ്റി സർവീസ് അവാർഡും നേടുകയുണ്ടായി.
ഭാര്യ വത്സമ്മ ജോയിയോടൊപ്പം ന്യൂജഴ്സിയിലെ ബെർഗൻ കൗണ്ടിയിൽ ആണ് താമസം. മക്കൾ നീന ജോയി, നവീൻ ജോയി.
E-paper LOGIN
LOGIN
